0218-0219 #宇宙船 #扭蛋劇場 Braceless
林太？哦sorry……鄭小姐，你好呀，我地好高興再搵到你合作啦。我係一間藥廠嘅PR嚟嘅，我地之前合作過啦。
咁因為見到鄭小姐你都有唔少FOLLOWER啦，同埋喺抗疫方面影響都唔少，所以今次有隻新嘅product想搵你幫忙宣傳一下。
咁同上次鉛質口罩一樣啦，我地會sponsor product俾你，咁希望你帶出嚟出席活動呀，俾人影啲相呀，睇到你有用咁囉。
今次？今次係一隻疫苗呀，希望可以搵到你以身作則，做第一個接種疫苗囉。副作用？我地嘅疫苗梗係冇副作用啦，不過哩個都係題外話。
因為我地今次想搵你試㗎呢，係我地對手間廠推出嘅疫苗呀……係呀係呀，我地自己本身有推出嘅，但係唔洗你試嘅……免費都唔洗啦，我地想搵你試試對手嗰隻先，想話睇下反應，我地再傾下一次合作吖。
上次口罩嗰轉好好呀，你帶頭戴咗之後呢，我地口罩嗰邊嘅業績都真係明顯升咗好多囉，係呀，鉛質口罩嗰次囉。唔係呀，鉛質口罩都唔係我地出㗎，都係我地對手間廠做㗎，係呀！真係唔該晒你呀！
你今次攞住影張相就得㗎喇，當然打埋仲好啦，一係你打埋我地加錢俾你吖，你想budget幾多吖。
你打埋啦，budget ok呀，我都係問香港人眾籌喳嘛。
Search